అల్లరి నరేష్ “నాంది” విడుదలకు ముహూర్తం ఫిక్స్

74
Naandhi will be out in Theatres from Feb 19th

యంగ్ హీరో అల్లరి నరేష్ ప్రధాన పాత్రలో తెరకెక్కుతున్న తాజా చిత్రం “నాంది”. విజయ్‌ కనకమేడల “నాంది” సినిమాకు దర్శకత్వం వహిస్తున్నారు. ప్రముఖ దర్శకుడు సతీష్ వేగేశ్న ఎస్‌వీ 2 బ్యానర్‌పై “నాంది” సినిమాను నిర్మిస్తున్నారు. ఈ సినిమాలో వరలక్ష్మి శరత్ కుమార్ లాయర్ పాత్రలో కనిపించనున్నారు.

తాజాగా “నాంది” చిత్రబృందం సినిమా విడుదల తేదీని ప్రకటించారు. ఫిబ్రవరి 19న “నాంది” చిత్రం ప్రేక్షకుల ముందుకు రానుంది. ఇప్పటికే రిలీజ్‌ అయిన ఈ సినిమా టీజర్‌కు సూపర్బ్‌ రెస్పాన్స్ వచ్చింది. ఈ సినిమాలో నరేష్ అండర్‌ ట్రయల్‌ ఖైదీగా కనిపిస్తున్నాడు. క్లైమాక్స్ లో అల్లరి నరేష్ తన నటనతో ప్రేక్షకులను విశేషంగా ఆకట్టుకోనున్నాడని తెలుస్తోంది.

గత కొన్ని సంవత్సరాలుగా సరైన సక్సెస్ లేక సతమవుతున్న అల్లరి నరేష్ ఇప్పుడు ఈ ప్రయోగాత్మకమైన చిత్రంతో ప్రేక్షకులను అలరించడానికి సిద్ధమవుతున్నాడు. ఇక నరేష్ ఇప్పటికే హీరోగానే కాకుండా ఇతర హీరోల సినిమాల్లో ప్రధాన పాత్రల్లో కూడా నటిస్తున్న విషయం తెలిసిందే.

అల్లరి నరేష్ చివరగా నటించిన చిత్రం “బంగారు బుల్లోడు”. ఇటీవలే విడుదలైన ఈ చిత్రానికి ప్రేక్షకుల నుంచి మిశ్రమ స్పందన వచ్చింది. “నాంది” సినిమాతో అల్లరి నరేష్ మంచి బ్రేక్ రావాలని కోరుకుందాం.