యంగ్ రెబల్ స్టార్ అభిమానులకు ప్రముఖ దర్శకుడు నాగ్ అశ్విన్ క్షమాపణలు చెప్పారు.
ప్రభాస్, నాగ్ అశ్విన్ కాంబినేషన్ లో పాన్ ఇండియా మూవీ తెరకెక్కనున్న విషయం తెలిసిందే.
ఈ సినిమాలో అమితాబ్ బచ్చన్, దీపికా పదుకొనె వంటి స్టార్స్ కీలక పాత్రల్లో నటించనున్నారు. ఈ సినిమాను వచ్చే ఏడాది విడుదల చేయడానికి సన్నాహాలు చేస్తున్నారు.
అందులో భాగంగానే ఈ సినిమా నుంచి రెండు అప్‌డేట్‌లు రానున్నాయని తెలిపారు నాగ్ అశ్విన్.
ఇచ్చిన మాట ప్రకారం నాగ్ అశ్విన్ తన మొదటి అప్‌డేట్‌ను ఇచ్చారు. ఆ తరువాత రెండో అప్డేట్ ఈ నెల 26న రానుంది.
ఇటీవల ప్రభాస్ అభిమాని ఒకరు మరో పది రోజుల్లో రానున్న ప్రభాస్-నాగ్ అశ్విన్ అప్డేట్ కోసం ఎంతో ఆసక్తిగా ఎదురు చూస్తున్నామని ట్వీట్ చేశారు.
దానికి స్పందించిన దర్శకుడు నాగ్ అశ్విన్ ఆ నెటిజన్ ను క్షమించమని కోరారు, ఈ నెల 26న ఎటువంటి అప్డేట్ లేదని, అది సరైన సమయం కాదని ట్వీట్ చేశారు.
కొన్ని అనివార్య కారణాల వల్లే ఈ అప్డేట్ ఇవ్వలేక పోతున్నారట. ఈ వార్త విన్న ప్రభాస్ అభిమానులకు నిరాశ తప్పలేదు.
