దేవిశ్రీ ప్రసాద్ కు మెగాస్టార్ సర్ప్రైజ్

మెగాస్టార్ చిరంజీవి “ఉప్పెన” చిత్రబృందాన్ని అభినందిస్తూ వారికి స్పెష‌ల్ స‌ర్‌ప్రైజ్‌లు పంపిస్తున్నారు.

“ఉప్పెన” మూవీ మ్యూజిక్ డైరెక్ట‌ర్ దేవి శ్రీ ప్రసాద్‌కు లేఖ‌తో పాటు గిఫ్ట్‌ను పంపించారు చిరంజీవి. ఈ విష‌యాన్ని దేవి త‌న సోష‌ల్ మీడియా వేదిక‌గా తెలిపారు.

దేవీ శ్రీ ప్రసాద్ ఓ వీడియో ద్వారా ఆయన పంపిన లెటర్ చదివి వినిపిస్తూ ఆ గిఫ్ట్ ప్యాక్ ఓపెన్ చేశారు.

”డియర్ డీఎస్పీ.. ఎగసిపడిన ఈ ‘ఉప్పెన’ విజయానికి నీ సంగీతం ఆయువుపట్టు.

స్టార్స్ చిత్రాలకు ఎంత ప్యాషన్‌తో సంగీతాన్ని ఇస్తావో.. చిత్ర రంగంలోకి ప్రవేశిస్తున్న కొత్త టాలెంట్‌కి కూడా అంతే ఫ్యాషన్‌తో సంగీతాన్ని ఇస్తావు.

నీలో ఉండే ఈ ఎనర్జీ, సినిమాలకు నీ మ్యూజిక్ ఇచ్చే ఎనర్జీ ఎప్పటికి ఇలాగే ఉండాలని కోరుకుంటూ.. నిన్ను మనస్ఫూర్తిగా అభినందిస్తున్నాను. ప్రేమతో చిరంజీవి” అంటూ చిరు ఆ లేఖలో పేర్కొన్నారు.

మెగాస్టార్ పంపిన ఈ లెటర్, మెగా బహుమతి పట్ల దేవీ శ్రీ ఆనందం వ్యక్తం చేశారు.

ట్విట్టర్ ద్వారా ఈ వీడియో పోస్ట్ చేస్తూ ‘లవ్ యూ చిరు సార్’ అని పేర్కొన్నారు దేవీ శ్రీ ప్రసాద్.

మెగా హీరో వైష్ణవ్ తేజ్ హీరోగా బుచ్చిబాబు దర్శకుడిగా పరిచయం అయిన చిత్రం “ఉప్పెన”. ఈ చిత్రం ఫిబ్రవరి 12న విడుదలై బాక్సాఫీస్ వద్ద రికార్డ్ కలెక్షన్లు రాబట్టింది.

వైష్ణవ్ తేజ్, కృతి శెట్టి, విజయ్ సేతుపతి నటన, కథ, బుచ్చిబాబు దర్శకత్వం, పాటలు ఈ ‘ఉప్పెన’ సినిమా విజయవంతం కావడానికి కారణమని చెప్పొచ్చు.

ఇండియన్ సినిమాలో ఒక డెబ్యూ హీరోకి హయ్యస్ట్ గ్రాసర్‌గా ‘ఉప్పెన’ మూవీ నిలిచింది.

ప్రస్తుతం లాభాల బాటలో పయనిస్తున్న ఈ సినిమా 100 కోట్ల దిశగా పరుగులు పెడుతుండటం గమనార్హం.