వ్యవస్థని ఉతికి ఆరేస్తున్న శ్వేత శ్రీ పూజ

632
swetha sri puja directly questioning our system

నువ్ గర్భంలో ఊపిరి పోసుకున్నప్పటి నుంచి నీ పుట్టుక.. పీల్చే గాలి.. తినే ఆహారం ఎలా ఉండాలి..?? నువ్ డ్రెస్ ఎందుకు వేసుకోవాలి.. నీవు ఏం తీనాలి.. ఏం చదువు చదవాలి..?? ఎక్కడ చదవాలి…? నీ చదువుకు తగ్గ జాబ్ ఏంటి..?? దాని జీతం ఏంటి..?? నీవు ఎక్కడ తిరగాలి..?? ఎక్కడ తిరగకూడదు..? నీవు ఏం మాట్లాడాలి…? ఏం మాట్లాడ కూడదు..?? నువ్ చస్తే ఎలాంటి నియమాలు పాటించాలి..? ఎక్కడ పాతిపెట్టాలి..??

ఇలాంటి ప్రాథమిక విషయాల నుంచి అంతర్జాతీయ వ్యవహారాల వరకు ప్రతి ఒక్కటి ‘చట్టం’తో ముడిపడి ఉంటాయి….

చట్టానికి లోబడి నువ్ నడుచుకోవాలి… పొరపాటున తెలిసో తెలియకో నువ్ ఆ చట్టాన్ని అతిక్రమిస్తే పోలీసులు, కోర్టులు నీ తాట తీస్తాయి…. నువ్ ఎంత ఎగిరినా.. ఎంత దూకినా.. చట్టానికి లోబడి చేయాలి…



చివరకు నీకు బతుకు పై విరక్తి పుట్టి నా చావు నేను చస్తానని సూసైడ్ చేసుకుంటానన్నా కుదరనే కుదరదు.. నీ ప్రాణం కూడా చట్టానికి లోబడే పోవాలని నీకు తెలుసా…??

నువ్ ఎంత గొప్పవాడివైనా…? ఎంత గొప్ప చదువులు చదివినా..?? ఎంత గొప్ప వ్యాపారం చేస్తున్నా…? చచ్చినట్టు నువ్ చట్టానికి లోబడి బతకాలి…

“ఇంతకీ ఏంటీ ‘చట్టం’ ఈ చట్టాన్ని ఎవరు తయారు చేస్తున్నారు..?? ……

రాజకీయాన్ని వ్యాపారంగా మార్చి ‘సంపాదించడం’ కోసమే రాజకీయం అనే నిర్వచనాన్నిచ్చి… విచ్చలిడిగా ఆస్తులు కూడగట్టుకునేందుకే రాజకీయం అన్నట్లు ప్రవర్థిస్తున్న ఈ రాజకీయ నాయకులకు నీ జీవితాన్ని ఎలా ఉండాలో డిసైడ్ చేసే అర్హత ఉందా..??”


హంతకులు, గుండాలు రక్షణ చట్టాలు చేయడంలో పాలు పంచుకుంటుంటే… రేపిస్టులు మహిళా చట్టాల గురించి లెక్చర్లిస్తుంటే… లంచగొండులు.. కబ్జాకోరులు అవినీతి నిరోదక చట్టాల గురించి చట్ట సభల్లో మాట్లాడుతుంటే… సమాజం పట్ల కొంచెం స్పృహ ఉండి… సమాజం గురించి ఆలోచించే నీవు ఎక్కడున్నావ్..? నాలుగు గోడల మధ్య.. డబ్బా కంప్యూటర్ ముందా..? ప్రశ్నించకుండా ఇంకెన్నాళ్ళని బతుకుతావ్.???

ఎంతమంది చట్టం తయారు చేస్తున్న వారికి ‘చట్టాలపై’ కనీస అవగాహన ఉంది..?? ఒక బస్ డ్రైవర్ కు కనీస చదువుండాలి..? ఒక చిన్న హోంగార్డు జాబ్ కు నేర చరిత్ర ఉంటే అనర్హుడు..! ఎంసెట్ ఎక్జాం కు బండెడు పుస్తకాలు చదివి ఎంట్రెన్స్ రాసి పాస్ అయి అర్హత సాధించాలి.. ఒక జిల్లాను పరిపాలించే కలెక్టర్ కు ప్రిలిమ్స్, మెయిన్స్.. ఇంటర్వ్యూలని వంద ఎదుర్కుని లక్షల మందిని దాటుకుని రావాలి…

దేశాన్ని నడిపే వాడికి ఏ అర్హత ఉండాలి..?? ఏ అర్హత ఉందని నీ నెత్తిలో ఎక్కి పరిపాలించే అధికారం వాడికిస్తున్నావ్..?? ఎవరు పాలించాలి ?? ఎవరు రాజ్యమేలుతున్నారు..???

రాజ్యాంగాన్ని క్షుణ్ణంగా చదివి.., చట్టాలను, రాజనీతి శాస్త్రాన్ని, అర్థికశాస్త్రాన్ని, అవపోసన పట్టి ఐఏఎస్ లు , ఐపీఎస్ లు అవుతున్న వాళ్లు కూడా ఏడో తరగతి సరిగ్గా చదవని రాజకీయ నాయకులు చేసిన చట్టాలకు కట్టుబడి పని చేయాల్సి వస్తోంది…!

నాకెందుకులే నేను భాగున్నా.. నాక్ మంచి జాబ్ ఉంది.. ఐదంకెల జీతముంది, అనుకుంటున్న మేథావులారా..??


స్వార్థపరులు, అవినీతి పరులు, కుల పిచ్చి, మత రొచ్చుగాళ్లు, లంచగొండులు, నీ జీవితాన్ని ఐజాక్ చేసి నీ బతుకు ఇలాగే తగలడాలి అని డిసైడ్ చేస్తున్నారు.. గమనిస్తున్నావా… ???

 

శ్వేత శ్రీ పూజ గారి పేస్ బుక్ పేజి సౌజన్యం తో ….

2 COMMENTS

  1. శ్వేతక్క పోస్ట్ 2015లొనే ఎవరో కాపీ చేసేసారు భయ్యా…
    కుదిరితే వాళ్ళ మీద చట్టపరమైన చర్యలు ఏదైనా తీసుకోండి దయచేసి….

  2. ఈవిడ గారు పెద్ద copy cat …..

    చాలామంది దగ్గర 6500 రూపాయలు (బహుశా ఈవిడగారి లక్కీ నంబరనుకుంటా) అప్పుగా అడుగుతుంది… అంతే తిరిగి అడిగితే తలతిక్క సమాధానాలు చెబుతుంది…! అకౌంట్ బ్లాక్ చేస్తుంది…!

Comments are closed.