ముద్దుల్లో మునిగిపోయిన ప్రేమజంట ప్రమాదవశాత్తు.. 50 అడుగుల బ్రిడ్జిపై నుంచి పడి చనిపోయారు. ఈ సంఘటన పెరూ దేశంలో చోటు చేసుకుంది. మేబిత్‌ ఎస్పింజ్‌(34), హెక్టార్‌ విడాల్‌(36) అనే ఇద్దరు ప్రేమికులు పర్వతారోహకులుగా పని చేస్తున్నారు. వీరు ఇరువురు క్యూసో పట్టణంలో టూరిస్టు గైడ్లుగా కూడా సేవలందిస్తున్నారు. ఇటీవలి కాలంలో ఈ ప్రేమజంట తమ పని ముగించుకున్న తర్వాత అర్ధరాత్రి ఒంటి గంటకు తమ నివాసాలకు బయల్దేరారు. మార్గం మధ్యలో ఈ ప్రేమికులిద్దరూ బెత్లెహాం వంతెనపై ఆగి ముద్దులు పెట్టుకుంటున్నారు.
ప్రియురాలు బ్రిడ్జి రెయిలింగ్‌పై కూర్చొని ఉండగా, ప్రియుడు ఆ రెయిలింగ్‌ను సపోర్ట్‌ చేసుకుంటూ నిలబడ్డాడు. ప్రియురాలికి ప్రియుడు ముద్దు ఇస్తున్న క్రమంలో వారిద్దరూ ప్రమాదవశాత్తు బ్రిడ్జిపై నుంచి కిందపడిపోయారు. 50 అడుగుల పైనుంచి కిందపడిపోయేసరికి ప్రియురాలు అక్కడికక్కడే ప్రాణాలు కోల్పోగా, ప్రియుడు చికిత్స పొందుతూ కన్నుమూశాడు.
Couple fall to their deaths as they tumble over bridge fence while kissing @ Bethlehem Bridge in Cusco/Peru.
Video Credit: Canal N#ViralVideo #ViralNews #Viral pic.twitter.com/3cAOChy4H8— V for Viral (@VForViral1) August 7, 2019
